Skip navigation.

URGENTE: Actividades das VI Jornadas adiadas

Informamos-vos de que algumhas das actividades que tinhamos programadas para os próximos dias vam ter de ser adiadas, por causa da chuva. Falamos mais concretamente:

- Visita a umha horta agroecológica, que estava prevista para o domingo 15 de abril.
- Serám na praça de S. Martinho, que estava previsto para a sexta-feira 20 de abril.

Nos próximos dias recibiredes info atualizada coas novas datas. Mil desculpas e umha aperta agroecológica!!!

A Esmorga, Amigos da Terra, Semente, Sustinea, Verdegaia e Sem um Cam organizam as VI Jornadas de Agroecologia!!!

Ourense, 28 de Março de 2012

Já estám aqui de novo as Jornadas de Agroecologia...e vam seis ediçons.

As VI Jornadas de Agroecologia de Ourense mostram mais umha vez a consolidaçom dos projectos sociais, culturais e ecologistas que se levam a cabo na cidade de Ourense. A Esmorga, Amigos da Terra, Semente, Sem Um Cam, Sustinea e Verdegaia apresentam durante quase 20 dias com todo tipo de actividades o trabalho realizado conjuntamente durante os últimos meses para que seja cada vez mais visível, para que cada ano tenham mais voz todos aquelas projectos alternativos centrados no compromisso com a justiça social e ecológica.

Mais um ano, as Jornadas de Agroecologia oferecem achegarmo-nos, se calhar um bocado mais ao mundo que todas desejamos como nosso: um mundo no actuemos de jeito activo contra um modelo de produçom agrícola e gadeiro intensivo e aberrante, potenciado por interesses económicos e comerciais insensíveis a qualquer consideraçom com a saúde pública, do bem-estar animal, de respecto ao meio natural e as culturas labregas.

Produz, compra e...incinera.
Desta vez, pousamos olho sobre o modelo produtivo e de consumo vigente, nomeadamente na parte que atinge à gestom dos resíduos. O projeto da Xunta de autorizar a instalaçom da conhecida como Sogama Sul, nos montes do Irijo despertou o debate e a indignaçom no lugar e nas comarcas limítrofes.

Falamos duma planta de incineraçom, que nom de recuperaçom ou reciclagem de residuos urbanos, que representa como poucos a inoperancia e insustentabilidade dum sistema que sob o pretexto de gerar uns hipotéticos postos de trabalho, condena à miséria e à degradaçom ambiental a um território do interior da Galiza, historicamente marginado. Além de mais, a instalaçom da planta suporia o golpe de graça a labregas e gandeiras, muitas delas sócias da cooperativa Loureiro que se tornou um referente dentro da produçom ecológica.

Perante esta situaçom, a agroecologia tem muito a aportar. Assim, da mesma maneira que em anos anteriores, tencionamos que as jornadas sirvam de altifalante ao debate, à reflexom e ao apoio a todos aqueles projetos que construem dia a dia discurso e alternativas reais às soluçons tipo SOGAMA, reflexo da faciana mais destrutiva e intransigente do sistema que nos tocou viver.

Falaremos como todos os anos de economia, de gênero, trabalho em rede, gestom de recursos, consumo responsável, finanças éticas; conheceremos e visitaremos projectos agroecológicos, ou intercambiaremos sementes entre outras actividades.

Continuando o modelo de financiaçom das ediçons anteriores das jornadas, desde a organizaçom optomas por un evento autogestionário, que se sustenta através das aportações individuais nas diferentes actividades lúdicas que se organizam, além da organizaçom dum serám com a colaboraçom desinteresada de vários colectivos de música e baile tradicional. Este compromisso de autogestom constitui uma aporta pola independência e o afortalamento das redes sociais como vozeiro do cidadania.

Agradecementos das V Xornadas de Agroecoloxía de Ourense

Os colectivos organizantes das V Xornadas de Agroecoloxía de Ourense (A Esmorga, Amigos da Terra, Semente, Sem um Cam e Verdegaia) queren expresar os seus máis sinceiros agradecementos a todas as persoas que, dun ou doutro xeito, participaron e colaboraron de forma altruista no 100% dos casos con todas as actividades que se levaron a cabo durante as 3 semanas de festa e reflexión colectiva que significan as Xornadas de Agroecoloxía, nesta V edición.

Ademáis de todas as persoas participantes e poñentes, e do grande equipo de artistas-músicas/os que colaboraron no concerto das Xornadas, queremos agradecer especialmente ao Sindicato Labrego Galego pola súa máis que importante presencia nesta V edición das Xornadas, e pola súa grandísima receptividade á hora de atender ás nosas peticións; e tamén ao Café Cultural Auriense, porque non só albergan no local, un ano máis, os concertos que proporcionan a financiación necesaria para levar a cabo as Xornadas, senón que ademáis este ano colaboraron económicamente coa organización.

Por outra banda, deixámovos a modo de resumo unhas fotos realizadas por Natalia G. Devesa, organizadora das Xornadas.

Ainda temos pendente rematar de realizar a contabilidade definitiva desta edición, pero a modo informativo e case definitivo, podemos informar:

** Ingresos: 710€ (obtidos a través do concerto, o xantar, e aportacións individuais)
** Gastos:
a) 190€ de cartelería e difusión
b) 490€ de desplazamentos de participantes
c) 235€ de manutencións e gastos de preparación do xantar antitransxénicos

Total: -215€.

Se alguén quixera ter algunha información a maiores, non tedes máis que facernos chegar as vosas peticións a través do formulario de contacto.
Agardamos vervos na VI edición das Xornadas, alá pola primaveira de 2012.

Unha aperta agroecolóxica

Distribuir contenido